ပုံရိပ်အနွေး

အဝေးဆိုသောအဝေးကိုမျှော်ငေးကြည့်ဘို့ကြိုးစားနေချိန်
စိတ်က နောက်ပြန်ပြန်လည်သွားတတ်လွန်းတဲ့ ပျော့ညံ့မှုနဲ့
ခရီးဟာ ထင်သလောက် ခရီးမရောက်ခဲ့၊

နွေ
မိုး
ဆောင်း
ရာသီအ၀န်းအ၀ိုင်းလေးတလျှောက် စုံချည်ဆန်ချည်
ကောင်မလေး
ငါ့ရပ်တည်နေမှုမှာ မင်းအရိပ်ဖြာဆင်းနေဆဲ၊

မတွေးပဲတွေးနေဆဲအငွေ့အသက်တို့
မရှိုက်ဘဲရှိုက်နေမိတဲ့ပင့်သက်တို့
မကြွေဘဲ ကြွေနေဆဲ ငါ့တံစက်မြိတ်ဖြားက နှင်းစက်တို့
မရေးဘဲ အရာထင်နေဆဲ ငါ့ကဗျာအကျိုးအကြေ နေ့စွဲတို့
မိုးလင်းတာတောင်အလင်းပြန်ခွင့်မရခဲ့၊

မင်းပြောတော့အိပ်မက်တဲ့လား
ငါ့မှာတော့ နိုးလျှက်မက်မိတော့ အိပ်စက်ပြီးမေ့ဘို့ကြိုးစားလဲမရ
ဘ၀က မင်းနဲ့တွေ့မှ ကာဖီရောင်ဝတ်ခဲ့ဘူးတာ၊

မှတ်မိသေးလား
တို့မတွေ့ခင်နေ့တွေကဘာတွေမျှော်လင့်ခဲ့ကြလဲ
ဆောင်းညဥ့်ပြန်အဝေးမြို့ လေး
ထိန်းချုပ်မှုမှာလွတ်ထွက်သွားသော အထီးကျန်နာကျင်မှုထဲမှာ စူးနစ်နေဆဲ
ချစ်ရတဲ့ဒုက္ခ
ကောင်မလေးရေ--
မင်းအတွက်ပျော်မယ်ဆို
ငါ--
စတော်ဘယ်ရီတစ်ခွက်လိုပဲမြိန်ရည်ရှက်ရည်သောက်လိုက်မယ်၊

အိပ်စက်ပါရစေတော့
မောခဲရတဲ့နာရီတွေလဲ ညဥ့်နက်လှပြီ။