ခရမ်းရင့်လွန်စက်ဝန်းမှာ ကပ်ညိနေမိတဲ့ဟောဒီ ညက
တမ်းငြီးသံတွေတပွေ့တပိုက်နဲ့ တိုးတိတ်စွာလောင်ကြွမ်းနေဆဲ
အိပ်မက်မဖြစ်ခဲ့တဲ့ဘ၀ရဲ့ ဆင်းရဲမှုကိုက
အနုပညာဆန်နေရော့လား
တစ်နဲ့တစ်ပေါင်းလို့မှ တစ်မဖြစ်ခဲ့တော့လဲ
လင်းရိပ်ခြွေ အိပ်မက်ရိပ်မြုံသစ္စာတို့ ပျက်ပြယ်ခဲ့ရပြီပဲ
ဟိုးအဝေးမှာ ကျကျန်ခဲ့တဲ့ရွှေအိုရောင်စွန်းသင်္ကေတတွေနဲ့
နာကျင်နေတဲ့ နေ့ ညတွေကလွဲရင်
ဦးတည်ရာမဲ့ ခြေလှမ်းတွေနဲ့ လေးလံနေရမှတော့
ကောင်မလေးရေ.............
နင်လဲမေ့ပတ်လိုက်ရုံ
ငါလဲ ကိုယ့်ရင်ခုန်သံကိုယ်ပြန်ဝှက်ကွယ်ထားလိုက်ရုံ၊
ရင်မောတယ်
အဆင်မပြေတိုင်းကိုယ်ရင်ကိုယ်ပြန်ဖိရဖန်များတော့လဲ
လက်ဖ၀ါးကြမ်ြး ကမ်းမှာ သွေခြည်ဥတည်ခဲ့၊
ကောင်မလေးရေ
မင်းကငါ့အတွက် ရေထဲကလရိပ်လို
ငါက ရိုးသားမှုကလွဲရင်ဘာအစာမှမတပ်ပဲမျှားခဲ့သူ
လောကကိုက
မာယာမသုံးရင်အရာမသွင်းချင်ဘူးထင်ရဲ့ ၊
ဒီည
အိပ်မက်တို့ခမ်းခြောက်နေတဲ့အခန်းကျဉ်းလေးထဲ
အတိတ်အကျိူးအကြေဗလပွနဲ့
ညဥ့်ငှက်တို့အိပ်တန်းလန့်နေပုံ။
No comments:
Post a Comment